chashm-e-baatin mein se jab zahir ka parda uTh gaya
jo musalman tha wahi hindu nazar aaya mujhe

Meer Kallu Arsh

---

---

gale mein apne pahna hai jo tu ne ai but-e-kafir
meri tasbih ko hai rashk zunnar-e-barahman pa

Meer Kallu Arsh

---

---

kaba ka aur KHana-e-dil ka ye haal hai
jaise koi makan ho makan ke jawab mein

Meer Kallu Arsh

---

---

kya diya bosa lab-e-shirin ka ho kar tursh-ru
munh hua miTha to kya dil apna khaTTa ho gaya

Meer Kallu Arsh

---

---

kya ghair kya aziz koi nauhagar na ho
ai jaan yun nikal ki badan tak KHabar na ho

Meer Kallu Arsh

---

---

mujh ko aur yar ko donon se sarokar nahin
kufr kafir ko musalman ko hai islam pasand

Meer Kallu Arsh

---

---

sehhat hai maraz qaza shifa hai
allah hakim hai hamara

Meer Kallu Arsh

---

---

toD kar kabe ko masjid na banao zahid
KHana-barbaad kisi dil hi mein kar ghar paida

Meer Kallu Arsh

---

---