aashiq ko dekhte hain dupaTTe ko tan kar
dete hain hum ko sharbat-e-didar chhan ka

Meer Anees

---

---

'anis' aasan nahin aabaad karna ghar mohabbat ka
ye un ka kaam hai jo zindagi barbaad karte hain

Meer Anees

---

---

'anis' dam ka bharosa nahin Thahar jao
charagh le ke kahan samne hawa ke chale

Meer Anees

---

---

ashk-e-gham dida-e-pur-nam se sambhaale na gae
ye wo bachche hain jo man bap se pale na gae

Meer Anees

---

---

gul-dasta-e-maani ko nae Dhang se bandhun
ek phul ka mazmun ho to sau rang se bandhun

Meer Anees

---

---

karim jo tujhe dena hai be-talab de de
faqir hun pa nahin aadat-e-sawal mujhe

Meer Anees

---

---

laga raha hun mazamin-e-nau ke phir ambar
KHabar karo mere KHirman ke KHosha-chinon ko

Meer Anees

---

---

misal-e-mahi-e-be-ab mauj taDpa ki
habab phuT ke roe jo tum naha ke chale

Meer Anees

---

---

tamam umr jo ki hum se be-ruKHi sab ne
kafan mein hum bhi azizon se munh chhupa ke chale

Meer Anees

---

---