jo kabhi diwar pe laTkai thi
ab tere kamre ki zinat bhi nahin

Mansoor Khushtar

---

---

kisi se sarguzisht-e-gham bayan karta hun jab apni
kahani wo sarasar aap ki malum hoti hai

Mansoor Khushtar

---

---

naz-o-andaz ki qimat hai tere mere sabab
kis ki mahfil mein bhala aur ghazab Dhaoge

Mansoor Khushtar

---

---

tawajjoh aap farmaen agar to
kuchh hum bhi arz karna chahte hain

Mansoor Khushtar

---

---

tha jo ek kafir musalman ho gaya
pal mein virana gulistan ho gaya

Mansoor Khushtar

---

---

tere jaur-o-jafa ka hum kabhi shikwa nahin karte
mohabbat jis se karte hain use ruswa nahin karte

Mansoor Khushtar

---

---

yaqin kar ki main tujh se bhi ziyaada chahta us ko
jo mere jaisa tera aur koi qadr-dan hota

Mansoor Khushtar

---

---