az-roz-e-azal hai ki nahin hai ka hai mahshar
aur is ka jawab aaj bhi han bhi hai nahin bhi

Manmohan Talkh

---

---

ar-ha KHud pe main hairan bahut hota hun
koi hai mujh mein jo bilkul hi juda hai mujh se

Manmohan Talkh

---

---

duniya meri zindagi ke din kam karti jati hai kyun
KHun pasina ek kiya hai ye meri mazduri hai

Manmohan Talkh

---

---

hum kai roz se be-wajh bahut KHush hain chalo
zindagi ki ye adaen bhi to dekhi jaen

Manmohan Talkh

---

---

kisi ke sath na hone ke dukh bhi jhele hain
kisi ke sath magar aur bhi akele hain

Manmohan Talkh

---

---

koi jis baat se KHush hai to KHafa dusra hai
kuchh bhi kahne mein kisi se yahi dushwari hai

Manmohan Talkh

---

---

main KHud mein gunjta hun ban ke tera sannaTa
mujhe na dekh meri tarah be-zaban ban ka

Manmohan Talkh

---

---

sab ke so jaane pe aflak se kya kahta hai
raat ko ek parinde ki sada sunta hun

Manmohan Talkh

---

---

shikayat aur to kuchh bhi nahin in aankhon se
zara si baat pe pani bahut barasta hai

Manmohan Talkh

---

---