ura maniye mat mere dekhne se
tumhein haq ne aisa banaya to dekha

Mamnoon Nizamuddin

---

---

guman na kyunki karun tujh pe dil churane ka
jhuka ke aankh sabab kya hai muskurane ka

Mamnoon Nizamuddin

---

---

kal wasl mein bhi nind na aai tamam shab
ek ek baat par thi laDai tamam sha

Mamnoon Nizamuddin

---

---

KHwab mein bosa liya tha raat ba-lab-e-nazuki
subh dam dekha to us ke honTh pe but-KHala tha

Mamnoon Nizamuddin

---

---

koi hamdard na hamdam na yagana apna
ru-ba-ru kis ke kahen hum ye fasana apna

Mamnoon Nizamuddin

---

---

na ki ghamza ne jalladi na un aankhon ne saffaki
jise kahte hain dil apna wahi qatil hua jaan ka

Mamnoon Nizamuddin

---

---

tujhe naqsh-e-hasti miTaya to dekha
jo parda tha hail uThaya to dekha

Mamnoon Nizamuddin

---

---

ye na jaana the ki us mahfil mein dil rah jaega
hum ye samjhe the chale aaenge dam bhar dekh kar

i did not know that at her place my heart would choose to stay
I had thought a moments glance and we would come away

Mamnoon Nizamuddin

---

---