aaj ho jaane do har ek ko bad-mast-o-KHarab
aaj ek ek ko pilwao ki kuchh raat kaTe

Makhdoom Mohiuddin

---

---

aap ki yaad aati rahi raat bhar
chashm-e-nam muskuraati rahi raat bha

Makhdoom Mohiuddin

---

---

azm se dur wo gata raha tanha tanha
so gaya saz pe sar rakh ke sahar se pahle

Makhdoom Mohiuddin

---

---

chashm o ruKHsar ke azkar ko jari rakkho
pyar ke name ko doharao ki kuchh raat kaTe

Makhdoom Mohiuddin

---

---

dip jalte hain dilon mein ki chita jalti hai
ab ki diwali mein dekhenge ki kya hota hai

Makhdoom Mohiuddin

---

---

ek jhonka tere pahlu ka mahakti hui yaad
ek lamha teri dildari ka kya kya na bana

Makhdoom Mohiuddin

---

---

ek tha shaKHs zamana tha ki diwana bana
ek afsana tha afsane se afsana bana

Makhdoom Mohiuddin

---

---

hum ne hans hans ke teri bazm mein ai paikar-e-naz
kitni aahon ko chhupaya hai tujhe kya malum

Makhdoom Mohiuddin

---

---

hayat le ke chalo kaenat le ke chalo
chalo to sare zamane ko sath le ke chalo

Makhdoom Mohiuddin

---

---