afsos jin ke dam se har ek su hain nafraten
hum ne talluqat unhin se baDha liye

Majid Deobandi

---

---

in aansuon ki hifazat bahut zaruri hai
andheri raat mein jugnu bhi kaam aate hain

Majid Deobandi

---

---

jis ko chahen be-izzat kar sakte hain
aap baDe hain aap ko ye aasani hai

Majid Deobandi

---

---

KHizan ka zikr to meri zaban pe tha hi nahin
bahaar karti hai matam tere hawale se

Majid Deobandi

---

---

main jab bhi tajziya karta hun tera ai duniya
is aaine mein tujhe bad-chalan si pata hun

Majid Deobandi

---

---

meri aankhen kuchh soi si rahti hain
shayad in ka KHwab-nagar se rishta hai

Majid Deobandi

---

---

phir tumhaare panw chhune KHud bulandi aaegi
sab dilon par raj kar ke taj-dari sikh lo

Majid Deobandi

---

---

yaad rakkho ek na ek din sanp bahar aaenge
aastinon mein unhen kab tak chhupaya jaega

Majid Deobandi

---

---