aune-paune ghazlen bechin nazmon ka bewpar kiya
dekho hum ne peT ki KHatir kya kya karobar kiya

Mahmood Shaam

---

---

as ek apne hi qadmon ki chap sunta hun
main kaun hun ki bhare shahr mein bhi tanha hun

Mahmood Shaam

---

---

chandni shab tu jis ko DhunDne aai hai
ye kamra wo shaKHs to kab ka chhoD gaya

Mahmood Shaam

---

---

ek jangal jis mein insan ko darindon se hai KHauf
ek jangal jis mein insan KHud se hi sahma hua

Mahmood Shaam

---

---

kitne chehre kitni shaklen phir bhi tanhai wahi
kaun le aaya mujhe in aainon ke darmiyan

Mahmood Shaam

---

---

us ko dekha to ye mahsus hua
hum bahut dur the KHud se pahle

Mahmood Shaam

---

---

ye aur baat ki chahat ke zaKHm gahre hain
tujhe bhulane ki koshish to warna ki hai bahut

Mahmood Shaam

---

---