diwar o dar ne rangon se daman chhuDa liya
yak-rangi-e-sukut se kyun ghar niDhaal hai

Mahender Kumar Sani

---

---

ho raha hun tere dukh mein tahlil
apne har dard se kaTta jaun

Mahender Kumar Sani

---

---

jaane kaisi raushni thi kar gai andha mujhe
is bhayanak tirgi mein bhi bujha rahta hun main

Mahender Kumar Sani

---

---

main apni yatra par ja raha hun
mujhe ab lauT kar aana nahin hai

Mahender Kumar Sani

---

---

main chahta hun ki teri taraf na dekhun main
meri nazar ko magar tu ne bandh rakkha hai

Mahender Kumar Sani

---

---

main din ko shab se bhala kyun alag karun sani
ye tirgi bhi to ek raushni ka hissa hai

Mahender Kumar Sani

---

---

main tanhai ko apna ham-safar kya man baiTha
mujhe lagta hai mere sath duniya chal rahi hai

Mahender Kumar Sani

---

---

aushni mein lafz ke tahlil ho jaane se qabl
ek KHala paDta hai jis mein ghumta rahta hun main

Mahender Kumar Sani

---

---

tera wajud tere raste mein hail hai
yahin se ho ke mera qafila guzarta hai

Mahender Kumar Sani

---

---