a-juz haq ke nahin hai ghair se hargiz tawaqqo kuchh
magar duniya ke logon mein mujhe hai pyar se matla

Mah Laqa Chanda

---

---

'chanda' rahe partaw se tere ya ali raushan
KHurshid ko hai dar se tere sham-o-sahar faiz

Mah Laqa Chanda

---

---

daregh chashm-e-karam se na rakh ki ai zalim
kare hai dil ko mere teri yak nazar mahzuz

Mah Laqa Chanda

---

---

dil ho gaya hai gham se tere daghdar KHub
phula hai kya hi josh se ye lala-zar KHu

Mah Laqa Chanda

---

---

gar mere dil ko churaya nahin tu ne zalim
khol de band hatheli ko dikha hathon ko

Mah Laqa Chanda

---

---

garche gul ki sej ho tis par bhi uD jati hai nind
sar rakhun qadmon pe jab tere mujhe aati hai nind

Mah Laqa Chanda

---

---

gul ke hone ki tawaqqoa pe jiye baiThi hai
har kali jaan ko muTThi mein liye baiThi hai

Mah Laqa Chanda

---

---

hum jo shab ko na-gahan us shoKH ke pale paDe
dil to jata hi raha ab jaan ke lale paDe

Mah Laqa Chanda

---

---

kabhi sayyaad ka khaTka hai kabhi KHauf-e-KHizan
bulbul ab jaan hatheli pe liye baiThi hai

Mah Laqa Chanda

---

---