ab na wo zauq-e-wafa hai na mizaj-e-gham hai
hu-ba-hu garche koi teri misal aaya tha

Lutf-ur-rahman

---

---

jate jate diya is tarah dilasa us ne
bich dariya mein koi jaise kinara nikla

Lutf-ur-rahman

---

---

kis se ummid karen koi elaj-e-dil ki
chaaragar bhi to bahut dard ka mara nikla

Lutf-ur-rahman

---

---

main dar-ba-dar hun abhi apni justuju mein bahut
main apne lahje ko andaz de raha hun abhi

Lutf-ur-rahman

---

---

main KHud hi apne taaqub mein phir raha hun abhi
uTha ke tu meri rahon se rasta le ja

Lutf-ur-rahman

---

---

main ki apna hi pata puchh raha hun sab se
kho gai jaane kahan umr-e-guzishta meri

Lutf-ur-rahman

---

---

tamam umr mera mujh se iKHtilaf raha
gila na kar jo kabhi tera ham-nawa na hua

Lutf-ur-rahman

---

---

tera to kya ki KHud apna bhi main kabhi na raha
mere KHayal se KHwabon ka silsila le ja

Lutf-ur-rahman

---

---