aadmi hona KHuda hone se behtar kaam hai
KHud hi KHud ke KHwab ki tabir ban kar dekh le

Kumar Vishwas

---

---

apne hi aap se is tarah hue hain ruKHsat
sans ko chhoD diya jis samt bhi jaana chahe

Kumar Vishwas

---

---

chaaron taraf bikhar gain sanson ki KHushbuen
rah-e-wafa mein aap jahan bhi jidhar gae

Kumar Vishwas

---

---

dil ke tamam zaKHm teri han se bhar gae
jitne kaThin the raste wo sab guzar gae

Kumar Vishwas

---

---

jab se mila hai sath mujhe aap ka huzur
sab KHwab zindagi ke hamare sanwar gae

Kumar Vishwas

---

---

jism chadar sa bichh gaya hoga
ruh silwaT haTa rahi hogi

Kumar Vishwas

---

---

koi diwana kahta hai koi pagal samajhta hai
magar dharti ki bechaini ko bas baadal samajhta hai

Kumar Vishwas

---

---

mera KHayal teri chuppion ko aata hai
tera KHayal meri hichkiyon ko aata hai

Kumar Vishwas

---

---

phir meri yaad aa rahi hogi
phir wo dipak bujha rahi hogi

Kumar Vishwas

---

---