dil ek sadiyon purana udas mandir hai
umid tarsa hua pyar dew-dasi ka

Krishna Mohan

---

---

jab bhi ki tahrir apni dastan
teri hi taswir ho kar rah gai

Krishna Mohan

---

---

jab bhi mile wo na-gahan jhum uThe hain qalb o jaan
milne mein lutf hai agar milna ho kaam ke baghai

Krishna Mohan

---

---

karen to kis se karen zikr-e-KHana-virani
ki hum to aag nasheman ko KHud laga aae

Krishna Mohan

---

---

kirshn 'mohan' ye bhi hai kaisa akela-pan ki log
maut se Darte hain main to zindagi se Dar gaya

Krishna Mohan

---

---

makan andar se KHasta ho gaya hai
aur is mein ek rasta ho gaya hai

Krishna Mohan

---

---

wo kya zindagi jis mein joshash nahin
wo kya aarzu jis mein kawish nahin

Krishna Mohan

---

---

zindagi ke aaKHiri lamhe KHushi se bhar gaya
ek din itna hansa wo hanste hanste mar gaya

Krishna Mohan

---

---