apne sahra se bandhe pyas ke mare hue hum
muntazir hain ki idhar koi kuan aa nikle

Khaavar Jilani

---

---

anne wali baat wahi hoti hai wo jo
bante bante yaksar banti rah jati hai

Khaavar Jilani

---

---

dilon ki shishagari kar-gah-e-hasti mein
hunar ke zer o zabar se bhi TuT sakti thi

Khaavar Jilani

---

---

ek chingari aag laga jati hai ban mein aur kabhi
ek kiran se zulmat ko chhaT jaana paDta hai

Khaavar Jilani

---

---

jina to alag baat hai marna bhi yahan par
har shaKHs ki apni hi zarurat ke liye hai

Khaavar Jilani

---

---

nahin hai koi bhi hatmi yahan had-e-malum
har ek intiha ek aur intiha tak hai

Khaavar Jilani

---

---

sabhi kirdar thak kar so gae hain
magar ab tak kahani chal rahi hai

Khaavar Jilani

---

---

sachchai wo jang hai jis mein baz auqat sipahi ko
aap muqabil apne hi DaT jaana paDta hai

Khaavar Jilani

---

---

subh hoti hai to kunj-e-KHush-gumani mein kahin
phenk di jati hai shab bhar ki siyahi bandh ka

Khaavar Jilani

---

---