hamein jo fikr ki dawat na de sake 'kausar'
wo sher sher to hai ruh-e-shaeri to nahin

Kausar Siwani

---

---

harifon ki taraf-dari se apna-pan ka dam TuTa
baDhi kuchh aur jab duri to qurbat ka bharam TuTa

Kausar Siwani

---

---

jo toD doge mujhe tum bhi TuT jaoge
ki irtibaat-e-salasil ki ek kaDi hun main

Kausar Siwani

---

---

kya dil ki pyas thi ki bujhai na ja saki
baadal nichoD ke na samundar tarash ke

Kausar Siwani

---

---

main to qabil na tha un ke didar ke
un ki chaukhaT pe meri KHata le gai

Kausar Siwani

---

---

samundar ki tarah wusat ho jis mein
wo qatra bahr hai qatra nahin hai

Kausar Siwani

---

---

zindagi kuchh to bharam rakh le wafadari ka
tujh ko mar mar ke shab-o-roz sanwara hai bahut

Kausar Siwani

---

---