ojh dil par hai nadamat ka to aisa kar lo
mere sine se kisi aur bahane lag jao

Kausar Mazhari

---

---

chand hai pani mein ya bhule hue chehre ka aks
sahil-e-dariya pe dekho main bhi hairani mein hun

Kausar Mazhari

---

---

ek muddat se KHamoshi ka hai pahra har-su
jaane kis or gae shor machane wale

Kausar Mazhari

---

---

gira tha bojh koi sar se mere
usi ko phir uThana chahta hun

Kausar Mazhari

---

---

jaane kis KHwab-e-pareshan ka hai chakkar sara
bikhra bikhra hua rahta hai mera ghar sara

Kausar Mazhari

---

---

kaun si duniya mein hun kis ki nigahbani mein hun
zindagi hai saKHt mushkil phir bhi aasani mein hun

Kausar Mazhari

---

---

main sab ke waste achchha tha lekin
usi ke waste achchha nahin tha

Kausar Mazhari

---

---

mausam-e-dil jo kabhi zard sa hone lag jae
apna dil KHun karo phul ugane lag jao

Kausar Mazhari

---

---

nazar jhuk rahi hai KHamoshi hai lab par
haya hai ada hai ki an-ban hai kya hai

Kausar Mazhari

---

---