aao hum hanste uThen bazm-e-dil-azaran se
kaun ehsas ko bimar bana kar uTThe

Kausar Jayasi

---

---

apne gham ki fikr na ki is duniya ki gham-KHwari mein
barson hum ne dast-e-junun se kaam liya danai ka

Kausar Jayasi

---

---

chhalak uTha jo kabhi KHun-e-arzu mera
mizha mizha teri ranaiyon ki baat gai

Kausar Jayasi

---

---

gham nairang dikhata hai hasti ki jalwa-numai ka
kitne zamanon ka hasil hai ek lamha tanhai ka

Kausar Jayasi

---

---

kabhi kabhi safar-e-zindagi se ruTh ke hum
tere KHayal ke sae mein baiTh jate hain

Kausar Jayasi

---

---

KHwab dekha tha kahan chamki hai tabir kahan
hashr ka din meri fitrat ka ujala nikla

Kausar Jayasi

---

---

taKHliq ke parde mein sitam TuT rahe hain
aazar hi ke hathon se sanam TuT rahe hain

Kausar Jayasi

---

---

thi nazar ke samne kuchh to talafi ki umid
khet sukha tha magar dariya mein tughyani to thi

Kausar Jayasi

---

---

wo arz-e-gham pe meri un ka ehtimam-e-sukut
tamam shorish-e-tafsil-e-waqiat gai

Kausar Jayasi

---

---