tujhe sang-dil ye pata hai kya ki dukhe dilon ki sada hai kya
kabhi choT tu ne bhi khai hai kabhi tera dil bhi dukha hai kya?

Kaleem Aajiz

---

---

suna hai hamein bewafa tum kaho ho
zara hum se aankhen mila lo to jaanen

Kaleem Aajiz

---

---

sunega kaun meri chaak-damani ka afsana
yahan sab apne apne pairahan ki baat karte hain

Kaleem Aajiz

---

---

talKHiyan is mein bahut kuchh hain maza kuchh bhi nahin
zindagi dard-e-mohabbat ke siwa kuchh bhi nahin

Kaleem Aajiz

---

---

tapish patingon ko baKHsh denge lahu charaghon mein Dhaal denge
hum un ki mahfil mein rah gae hain to un ki mahfil sambhaal denge

Kaleem Aajiz

---

---

tumhein yaad hi na aaun ye hai aur baat warna
main nahin hun dur itna ki salam tak na pahunche

Kaleem Aajiz

---

---

tu rais-e-shahr-e-sitam-garan main gada-e-kucha-e-ashiqan
tu amir hai to bata mujhe main gharib hun to bura hai kya

Kaleem Aajiz

---

---

shikayat un se karna go musibat mol lena hai
magar 'ajiz' ghazal hum be-sunae dam nahin lenge

Kaleem Aajiz

---

---

tujhe sang-dil ye pata hai kya ki dukhe dilon ki sada hai kya?
kabhi choT tu ne bhi khai hai kabhi tera dil bhi dukha hai kya?

Kaleem Aajiz

---

---