'ajmal' safar mein sath rahin yun saubaten
jaise ki har saza ka saza-war main hi tha

Kabir Ajmal

---

---

kahte hain ki uThne ko hai ab rasm-e-mohabbat
aur is ke siwa koi tamasha bhi nahin hai

Kabir Ajmal

---

---

kis se main un ka Thikana puchhta
samne KHali makan tha aur main

Kabir Ajmal

---

---

koi sada koi aawaza-e-jaras hi sahi
koi bahana ki hum jaan nisar karte rahen

Kabir Ajmal

---

---

kuchh talluq bhi nahin rasm-e-jahan se aage
us se rishta bhi raha wahm o guman se aage

Kabir Ajmal

---

---

kyun baam pe aawazon ka dhammal hai 'ajmal'
is ghar pe to aaseb ka saya bhi nahin hai

Kabir Ajmal

---

---

lahu rishton ka ab jamne laga hai
koi sailab mere ghar bhi aae

Kabir Ajmal

---

---

main bujh gaya to kaun ujalega tera rup
zinda hun is KHayal mein marta hua sa main

Kabir Ajmal

---

---

ufuq ke aaKHiri manzar mein jagmagaun main
hisar-e-zat se niklun to KHud ko paun main

Kabir Ajmal

---

---