diye ke aur hawaon ke marasim khul nahin pate
nahin khulta ki in mein se ye kis ki aazmaish hai

Kaami Shah

---

---

faqat ghussa piye jate hain roz o shab ke jhagDe mein
koi hangama kar sakte jo wahshat ras aa jati

Kaami Shah

---

---

har ek gam pe ranj-e-safar uThate hue
main aa paDa hun yahan tujh se dur jate hue

Kaami Shah

---

---

le uDa hai tera KHayal hamein
aur hum qafile se nikle hain

Kaami Shah

---

---

main apne dil ki kahta hun
tum apne dil ki sunti ho

Kaami Shah

---

---

main uDta rahta hun nile samundaron mein kahin
so titliyon ke liye KHwab lata rahta hun

Kaami Shah

---

---

waise tum achchhi laDki ho
lekin meri kya lagti ho

Kaami Shah

---

---