hai dilon ka wahi jo dana-e-tasbih ka haal
yun mile hain pa hain dar-asl juda ek se ek

Javed Lakhnvi

---

---

jis jagah jaen bana len tere wahshi sahra
KHak le aae hain muTThi mein bayabanon ki

Javed Lakhnvi

---

---

kahin aisa na ho mar jaun main hasrat hi hasrat mein
jo lena ho to le lo sab se pahle imtihan mera

Javed Lakhnvi

---

---

KHak uD ke hamari tere kuche mein pahunchti
taqdir thi ye bhi ki hawa bhi na chali aaj

Javed Lakhnvi

---

---

sab KHat tamam kar chuke paDh paDh ke shauq se
wan tham gae jahan pe mera nam aa gaya

Javed Lakhnvi

---

---

shab-e-wasl kya jaane kya yaad aaya
wo kuchh aap hi aap sharma rahe hain

Javed Lakhnvi

---

---

surat na yun dikhae unhen bar bar chand
paida kare hasinon mein kuchh e'tibar chand

Javed Lakhnvi

---

---

tum diye jao yunhi hum ko hawa daman ki
hum se behosh nahin hosh mein aane wale

Javed Lakhnvi

---

---

tum pas jo aae kho gae hum
jab tum na mile to justuju ki

Javed Lakhnvi

---

---