ajib aag laga kar koi rawana hua
mere makan ko jalte hue zamana hua

Jamuna Parsad Rahi

---

---

aman kise thi mere sae mein jo rukta koi
KHud apni aag mein jalta hua shajar tha main

Jamuna Parsad Rahi

---

---

ganw se guzrega aur miTTi ke ghar le jaega
ek din dariya sabhi diwar o dar le jaega

Jamuna Parsad Rahi

---

---

har ruh pas-e-parda-e-tartib-e-anasir
na-karda gunahon ki saza kaT rahi hai

Jamuna Parsad Rahi

---

---

hawa ki god mein mauj-e-sarab bhi hogi
girenge phul to Thahregi gard shaKHon pa

Jamuna Parsad Rahi

---

---

ek raat hai phaili hui sadiyon par
har lamha andheron ke asar mein hai

Jamuna Parsad Rahi

---

---

jo sunte hain ki tere shahr mein dashra hai
hum apne ghar mein diwali sajaane lagte hain

Jamuna Parsad Rahi

---

---

kachchi diwaren sada-noshi mein kitni taq thin
pattharon mein chiKH kar dekha to andaza hua

Jamuna Parsad Rahi

---

---

kashtiyan Dub rahi hain koi sahil lao
apni aankhen meri aankhon ke muqabil lao

Jamuna Parsad Rahi

---

---