agar ye zid hai ki mujh se dua salam na ho
to aisi rah se guzro jo rah-e-am na ho

Jamill Murassapuri

---

---

aur jo hoga wo bhi dekhenge
waise kya kuchh nahin hua hai miyan

Jamill Murassapuri

---

---

ghar apna kisi aur ki nazron se na dekho
har tarah se ujDa hai magar phir bhi saja hai

Jamill Murassapuri

---

---

sadiyon se zamane ka ye andaz raha hai
saya bhi juda ho gaya jab waqt paDa hai

Jamill Murassapuri

---

---

ye daur bhi kya daur hai is daur mein yaro
sach bolne walon ka hi anjam bura hai

Jamill Murassapuri

---

---

ye kaisa waqt mujh par aa gaya hai
mere qad se mera saya baDa hai

Jamill Murassapuri

---

---