ab to tere husn ki har anjuman mein dhum hai
jis ne mera haal dekha tera diwana hua

Jameel Yusuf

---

---

ai KHuda tu hi be-misal nahin
main bhi hun kaenat mein tanha

Jameel Yusuf

---

---

dil jahan le jae dil ke sath jaana chahiye
is se baDh kar aur koi rahnuma hota nahin

Jameel Yusuf

---

---

teri duniya mein tere husn ka shaidai hun
ai KHuda mujh ko gunahgar na samjha jae

Jameel Yusuf

---

---

teri duri bhi hai mushkil teri qurbat bhi muhaal
kis qadar tu ne meri jaan sataya hai mujhe

Jameel Yusuf

---

---

tu meri rah mein kyun hail hai
ek umDe hue dariya ki tarah

Jameel Yusuf

---

---