dam-ba-dam uThti hain kis yaad ki lahren dil mein
dard rah rah ke ye karwaT si badalta kya hai

Jamal Panipati

---

---

diya bujha phir jal jae aur rut bhi palTa khae
phir jo hath se jae samay wo kabhi na lauT ke aae

Jamal Panipati

---

---

kaise kaise wir surma jag mein jin ka man
jag se jite samay se haare samay baDa balwan

Jamal Panipati

---

---

kya ho gaya gulshan ko sakit hai faza kaisi
sab shaKH o shajar chup hain hilta nahin patta bhi

Jamal Panipati

---

---

moti munge kankar patthar bache na koi bhai
samay ki chakki sab ko pise kya parbat kya rai

Jamal Panipati

---

---

sada na ujla din hi rahe aur sada na kali rain
rang badalta jae samay aur Tuk-Tuk dekhen nain

Jamal Panipati

---

---

samay ke sare khel hain pyare kah gae jagat 'kabir'
aap hansae aap rulae aap bandhae dhi

Jamal Panipati

---

---

samay ki rachna samay ka pher aur samay ke sab bahrup
kya andhiyare kya ujiyale kya chhanw kya dhup

Jamal Panipati

---

---