hai ye taqdir ki KHubi ki nigah-e-mushtaq
parda ban jae agar parda-nashin tak pahunche

Jagdish Sahay Saxena

---

---

hui thi ek KHata sarzad so us ko muddaten guzrin
magar ab tak mere dil se pashemani nahin jati

Jagdish Sahay Saxena

---

---

hujum-e-ranj-o-gham ne is qadar mujh ko rulaya hai
ki ab rahat ki surat mujh se pahchani nahin jati

Jagdish Sahay Saxena

---

---

anj o alam ka lutf uThane ke waste
rahat se bhi nibah kiye ja raha hun main

Jagdish Sahay Saxena

---

---

ulfat ki thin dalil teri bad-gumaniyan
ab bad-guman main hun ki tu bad-guman nahin

Jagdish Sahay Saxena

---

---