chaar jaanib chiKHti samton ka shor
hanpte sae thakan aur inhitat

Ishrat Zafar

---

---

chashma-e-ab-e-rawan hai jo sarab-e-jaan mein
us ki har lahr mein raqsan hai tarannum tera

Ishrat Zafar

---

---

jidhar bhi jata hai wo shola-e-bahaar-sarisht
duaen deta hai amboh-e-kushtgan us ko

Ishrat Zafar

---

---

mere aqab mein hai aawaza-e-numu ki gunj
hai dasht-e-jaan ka safar kaamyab apni jagah

Ishrat Zafar

---

---

mere kamre ki diwaron mein aise aaine bhi hain
ki jin ke pas har shaKHs apna chehra chhoD jata hai

Ishrat Zafar

---

---

sab mere dil pe karam us nigah-e-naz ka hai
be-qarari hai meri aur na sukun hai mera

Ishrat Zafar

---

---

wo ek lamha jo tere qurb ki KHushbu se hai raushan
ab is lamhe ko paband-e-salasil chahta hun main

Ishrat Zafar

---

---

wo mere raaz mujh mein chahta hai munkashif karna
mujhe mere ghane sae mein tanha chhoD jata hai

Ishrat Zafar

---

---