ab banjh zaminon se ummid bhi kya rakhna
roen bhi to la-hasil boen bhi to kya kaTen

Iqbal Kausar

---

---

anna tha to banta na farishta na KHuda main
insan hi banta meri takmil to ye thi

Iqbal Kausar

---

---

dhyan aaya mujhe raat ki tanha-safari ka
yak-dam koi saya sa gali se nikal aaya

Iqbal Kausar

---

---

jis tarah log KHasare mein bahut sochte hain
aaj kal hum tere bare mein bahut sochte hain

Iqbal Kausar

---

---

meri KHak us ne bikher di sar-e-rah ghubar bana diya
main jab aa saka na shumar mein mujhe be-shumar bana diya

Iqbal Kausar

---

---

par le ke kidhar jaen kuchh dur tak uD aaen
dam jitna mayassar hai ye Thahri hawa kaTen

Iqbal Kausar

---

---

tere juzw juzw KHayal ko rag-e-jaan mein pura utar kar
wo jo bar bar ki shakl thi use ek bar bana diya

Iqbal Kausar

---

---

teri pahli did ke sath hi wo fusun bhi tha
tujhe dekh kar tujhe dekhna mujhe aa gaya

Iqbal Kausar

---

---

wo bhi ro ro ke bujha Dala hai ab aankhon ne
raushni deta tha jo ek diya andar se

Iqbal Kausar

---

---