afsos mabadon mein KHuda bechte hain log
ab mani-e-saza-o-jaza kuchh nahin raha

Iqbal Kaifi

---

---

aTe hue hain faqiron ke pairahan 'kaifi'
jahan ne bhik mein miTTi bikher kar di hai

Iqbal Kaifi

---

---

dekha hai mohabbat ko ibaadat ki nazar se
nafrat ke awamil hamein mayub rahe hain

Iqbal Kaifi

---

---

ghazal ke rang mein malbus ho kar
rubab-e-dard se aahang nikla

Iqbal Kaifi

---

---

guhar samjha tha lekin sang nikla
kisi ka zarf kitna tang nikla

Iqbal Kaifi

---

---

KHizan ka daur bhi aata hai ek din 'kaifi'
sada-bahaar kahan tak daraKHt rahte hain

Iqbal Kaifi

---

---

main aise husn-e-zan ko KHuda manta nahin
aahon ke ehtijaj se jo mawara rahe

Iqbal Kaifi

---

---

mohabbaton ko bhi us ne KHata qarar diya
magar ye jurm hamein bar bar karna hai

Iqbal Kaifi

---

---

phulon ka tabassum bhi wo pahla sa nahin hai
gulshan mein bhi chalti hai hawa aur tarah ki

Iqbal Kaifi

---

---