ab kisi kaam ke nahin ye rahe
dil wafa ishq aur tanhai

Inder Saraazi

---

---

aur to koi tha nahin shayad
raat ko uTh ke main hi chiKHa tha

Inder Saraazi

---

---

aDi mushkil se bahlaya tha KHud ko
achanak yaad teri aa gai phi

Inder Saraazi

---

---

dil ke KHun se bhi sinch kar dekha
peD kyun ye hara nahin hota

Inder Saraazi

---

---

dukh udasi malal gham ke siwa
aur bhi hai koi makan mein kya

Inder Saraazi

---

---

ek ajab shor bapa hai andar
phir se dil TuT raha hai shayad

Inder Saraazi

---

---

jis ka Dar tha wahi hua yaro
wo faqat hum se hi KHafa nikla

Inder Saraazi

---

---

jo mila toDta gaya us ko
dil laga tha mera hazaron se

Inder Saraazi

---

---

KHub thi ab magar badal si gai
tere is shahr ki ye tanhai

Inder Saraazi

---

---