ek dard ki lazzat barqarar rakhne ko
kuchh latif jazbon ki KHun se aabyari ki

Ikram Mujeeb

---

---

hijr ki masafat mein sath tu raha har dam
dur ho gae tujh se jab tere qarin pahunche

Ikram Mujeeb

---

---

is hasin manzar se dukh kai ubharne hain
dhup jab utarni hai barf ke makanon pa

Ikram Mujeeb

---

---

kam zara na hone di ek lafz ki hurmat
ek ahd ki sari umr pasdari ki

Ikram Mujeeb

---

---

kis qadar gunahon ke murtakib hue hain hum
jo sukun luTta hai bar bar is ghar ka

Ikram Mujeeb

---

---