agar wo chand ki basti ka rahne wala tha
to apne sath sitaron ka qafila rakhta

Iffat Zarrin

---

---

dekh kar insan ki bechaargi
sham se pahle parinde so gae

Iffat Zarrin

---

---

kaun pahchanega 'zarrin' mujh ko itni bhiD mein
mere chehre se wo apni har nishani le gaya

Iffat Zarrin

---

---

patthar ke jism mom ke chehre dhuan dhuan
kis shahr mein uDa ke hawa le gai mujhe

Iffat Zarrin

---

---

wo mil gaya to bichhaDna paDega phir 'zarrin'
isi KHayal se hum raste badalte rahe

Iffat Zarrin

---

---

wo mujh ko bhul chuka ab yaqin hai warna
wafa nahin to jafaon ka silsila rakhta

Iffat Zarrin

---

---

zehn o dil ke fasle the hum jinhen sahte rahe
ek hi ghar mein bahut se ajnabi rahte rahe

Iffat Zarrin

---

---