apni ghurbat ki kahani hum sunaen kis tarah
raat phir bachcha hamara rote rote so gaya

Ibrat Machlishahri

---

---

jab aa jati hai duniya ghum phir kar apne markaz par
to wapas lauT kar guzre zamane kyun nahin aate

Ibrat Machlishahri

---

---

kyun pasheman ho agar wada wafa ho na saka
kahin wade bhi nibhane ke liye hote hain

Ibrat Machlishahri

---

---

suna hai Dub gai be-hisi ke dariya mein
wo qaum jis ko jahan ka amir hona tha

Ibrat Machlishahri

---

---

wo yun subut-e-uruj-o-zawal deta tha
uTha ke hath mein patthar uchhaal deta tha

Ibrat Machlishahri

---

---

zamin ke jism ko TukDon mein banTne walo
kabhi ye ghaur karo kaenat kis ki hai

Ibrat Machlishahri

---

---

zindagi kam paDhe pardesi ka KHat hai 'ibrat'
ye kisi tarah paDha jae na samjha jae

Ibrat Machlishahri

---

---