aah ye barsat ka mausam ye zaKHmon ki bahaar
ho gaya hai KHun-e-dil aankhon se jari in dinon

Haya Lakhnavi

---

---

chaman wahi hai ghaTaen wahi bahaar wahi
magar gulon mein wo ab rang-o-bu nahin baqi

Haya Lakhnavi

---

---

nigah-e-shauq agar dil ki tarjuman ho jae
to zarra zarra mohabbat ka raaz-dan ho jae

Haya Lakhnavi

---

---

ahen gham ki sharar-angeziyan ya-rab qayamat tak
'haya' gham se na milti gar kabhi fursat to achchha tha

Haya Lakhnavi

---

---