ab us se baDh ke bhala mo'tabar kahen kis ko
zamana us ka hai mazi-o-haal us ke hain

Hasan Rizvi

---

---

kabhi kitabon mein phul rakhna kabhi daraKHton pe nam likhna
hamein bhi hai yaad aaj tak wo nazar se harf-e-salam likhna

Hasan Rizvi

---

---

na wo iqrar karta hai na wo inkar karta hai
hamein phir bhi guman hai wo hamin se pyar karta hai

Hasan Rizvi

---

---

tha jo ek lamha visal ka wo riyaz tha kai sal ka
wahi ek pal mein guzar gaya jise umr guzri pukarte

Hasan Rizvi

---

---

ye us ke pyar ki baaten faqat qisse purane hain
bhala kachche ghaDe par kaun dariya par karta hai

Hasan Rizvi

---

---