hawa ke dosh pe uDti hui KHabar to suno
hawa ki baat bahut dur jaane wali hai

Hasan Akhtar Jaleel

---

---

main na dariya hun na sahil na safina na bhanwar
dawar-e-gham kisi sanche mein to Dhaale mujh ko

Hasan Akhtar Jaleel

---

---

mujh ko 'jalil' kaun kahega shikasta-dil
khaya tha ek zaKHm so wo be-nishan raha

Hasan Akhtar Jaleel

---

---

safine Dub gae kitne dil ke sagar mein
KHuda kare teri yaadon ki naw chalti rahe

Hasan Akhtar Jaleel

---

---