aDon ne us ko chhin liya hai bachchon se
KHabar nahin ab kya ho haal khilaune ka

Hasan Akbar Kamal

---

---

anae jata tha main apne hath ko kashkol
so meri ruh mein KHanjar utarta jata tha

Hasan Akbar Kamal

---

---

dil mein tere KHulus samoya na ja saka
patthar mein is gulab ko boya na ja saka

Hasan Akbar Kamal

---

---

diye bujhati rahi dil bujha sake to bujhae
hawa ke samne ye imtihan rakhna hai

Hasan Akbar Kamal

---

---

ek diya kab rok saka hai raat ko aane se
lekin dil kuchh sambhla to ek diya jalane se

Hasan Akbar Kamal

---

---

gae dinon mein rona bhi to kitna sachcha tha
dil halka ho jata tha jab ashk bahane se

Hasan Akbar Kamal

---

---

kal yahi bachche samundar ko muqabil paenge
aaj tairaate hain jo kaghaz ki nannhi kashtiyan

Hasan Akbar Kamal

---

---

kya tarjumani-e-gham-e-duniya karen ki jab
fan mein KHud apna gham bhi samoya na ja saka

Hasan Akbar Kamal

---

---

na TuTe aur kuchh din tujh se rishta is tarah mera
mujhe barbaad kar de tu magar aahista aahista

Hasan Akbar Kamal

---

---