ai KHuda insan ki taqsim-dar-taqsim dekh
parsaon dewtaon qatilon ke darmiyan

Hasan Abidi

---

---

ashkon mein piro ke us ki yaaden
pani pe kitab likh raha hun

Hasan Abidi

---

---

dil ki dahliz pe jab sham ka saya utra
ufuq-e-dard se sine mein ujala utra

Hasan Abidi

---

---

duniya kahan thi pas-e-wirasat ke zimn mein
ek din tha so us pe luTae hue to hain

Hasan Abidi

---

---

kuchh na kuchh to hota hai ek tere na hone se
warna aisi baaton par kaun hath malta hai

Hasan Abidi

---

---

sab ummiden mere aashob-e-tamanna tak thin
bastiyan ho gain gharqab to dariya utra

Hasan Abidi

---

---

shahr-e-na-pursan mein kuchh apna pata milta nahin
baam-o-dar raushan hain lekin rasta milta nahin

Hasan Abidi

---

---

tishna-kaamon ko yahan kaun subu deta hai
gul ko bhi hath lagao to lahu deta hai

Hasan Abidi

---

---

yaad-e-yaran dil mein aai huk ban kar rah gai
jaise ek zaKHmi parinda jis ke par TuTe hue

Hasan Abidi

---

---