aankhon se KHwab dil se tamanna tamam-shud
tum kya gae ki shauq-e-nazara tamam-shud

Hasan Abbas Raza

---

---

dhaDakti qurbaton ke KHwab se jage to jaana
zara se wasl ne kitna akela kar diya hai

Hasan Abbas Raza

---

---

hamari jeb mein KHwabon ki rezgari hai
so len-den hamara dukan se bahar hai

Hasan Abbas Raza

---

---

hamesha ek masafat ghumti rahti hai panw mein
safar ke baad bhi kuchh log ghar pahuncha nahin karte

Hasan Abbas Raza

---

---

irada tha ki ab ke rang-e-duniya dekhna hai
KHabar kya thi ki apna hi tamasha dekhna hai

Hasan Abbas Raza

---

---

judai ki ruton mein suraten dhundlane lagti hain
so aise mausamon mein aaina dekha nahin karte

Hasan Abbas Raza

---

---

kis ko thi KHabar is mein taDaKH jaega dil bhi
hum KHush the bahut sehn mein diwar uTha ka

Hasan Abbas Raza

---

---

kya shaKHs tha uData raha umr bhar mujhe
lekin hawa se hath milane nahin diya

Hasan Abbas Raza

---

---

main phir ek KHat tere aangan girana chahta hun
mujhe phir se tera rang-e-burida dekhna hai

Hasan Abbas Raza

---

---