tumhein to naz bahut doston pe tha 'jalib'
alag-thalag se ho kya baat ho gai pyare
Habib Jalib
lakh kahte rahen zulmat ko na zulmat likhna
hum ne sikha nahin pyare ba-ijazat likhna
Habib Jalib
log Darte hain dushmani se teri
hum teri dosti se Darte hain
Habib Jalib
na teri yaad na duniya ka gham na apna KHayal
ajib surat-e-haalat ho gai pyare
Habib Jalib
pa sakenge na umr bhar jis ko
justuju aaj bhi usi ki hai
Habib Jalib
tum se pahle wo jo ek shaKHs yahan taKHt-nashin tha
us ko bhi apne KHuda hone pe itna hi yaqin tha
Habib Jalib
un ke aane ke baad bhi 'jalib'
der tak un ka intizar raha
Habib Jalib
ye aur baat teri gali mein na aaen hum
lekin ye kya ki shahr tera chhoD jaen hum
Habib Jalib
us sitamgar ki haqiqat hum pe zahir ho gai
KHatm KHush-fahmi ki manzil ka safar bhi ho gaya
Habib Jalib