chalun to maslahat ye kah ke panw tham leti hai
wahan jaana bhi kya hasil jahan se kuchh nahin hota

Gulzar Bukhari

---

---

jaane walon ki kami puri kabhi hoti nahin
aane wale aaenge phir bhi KHala rah jaega

Gulzar Bukhari

---

---

kaun pas-e-manzar mein ujDe paikaron ko dekhta
shahar ki nazren libas-e-KHushnuma mein kho gain

Gulzar Bukhari

---

---

ang-o-bu ka shauq aashob-e-hawa mein le gaya
titliyan ghar se nikal kar ibtila mein kho gain

Gulzar Bukhari

---

---

zabte aur hi misdaq pe rakkhe hue hain
aaj-kal sidq-o-safa taq pe rakkhe hue hain

Gulzar Bukhari

---

---