ajib baat hamara hi KHun hua pani
hamin ne aag mein apne badan bhigoe the

Ghazanfar

---

---

ach ke duniya se ghar chale aae
ghar se bachne magar kidhar jaen

Ghazanfar

---

---

daftar mein zehn ghar nigah raste mein panw
jine ki kawishon mein badan hath se gaya

Ghazanfar

---

---

hum ki sahil ke tasawwur se sahm jate hain
log kis tarah samundar mein utarte honge

Ghazanfar

---

---

hamare hath se wo bhi nikal gaya aaKHir
ki jis KHayal mein hum muddaton se khoe the

Ghazanfar

---

---

har ek raat kahin dur bhag jata hun
har ek subh koi mujh ko khinch lata hai

Ghazanfar

---

---

kal tak jo shaffaf the chehre aawazon se KHali the
aaDi-tirchhi surKH lakiren un par bhi ab dekhoge

Ghazanfar

---

---

main aisa narm tabiat kabhi na tha pahle
zarur lams koi us ka chhu gaya mujh ko

Ghazanfar

---

---

main us ke jhuT ko bhi sach samajh ke sunta hun
ki us ke jhuT mein bhi zindagi ki quwwat hai

Ghazanfar

---

---