hale hi chhanw na de aasra to deta hai
ye aarzu ka shajar hai KHizan-rasida sahi

Ghalib Ayaz

---

---

hum us ke jabr ka qissa tamam chahte hain
aur us ki tegh hamara zawal chahti hai

Ghalib Ayaz

---

---

hawa ke honT khulen saat-e-kalam to aae
ye ret jaisa badan aandhiyon ke kaam to aae

Ghalib Ayaz

---

---

phir yahi rut ho ain mumkin hai
par tera intizar ho ki na ho

Ghalib Ayaz

---

---

tamam umr use chahna na tha mumkin
kabhi kabhi to wo is dil pe bar ban ke raha

Ghalib Ayaz

---

---

tumhaare dar se uThae gae malal nahin
wahan to chhoD ke aae hain hum ghubar apna

Ghalib Ayaz

---

---

zindagani mein sabhi rang the mahrumi ke
tujh ko dekha to main ehsas-e-ziyan se nikla

Ghalib Ayaz

---

---