ilm ki ibtida hai hangama
ilm ki intiha hai KHamoshi

Firdaus Gayavi

---

---

main ek sang hun mujh mein hain suraten pinhan
mujhe tarashne aazar to samne aae

Firdaus Gayavi

---

---

tamam umr jo hansta hi rah gaya yaro
bala ka dard tha us shaKHs ki kahani mein

Firdaus Gayavi

---

---

tum ko aana hai to aa jao isi aalam mein
bigDe haalat gharibon ke sanwarte hain kahin

Firdaus Gayavi

---

---

wahi jo deta hai duniya ko uljhanon se najat
kabhi kabhi wahi uljhan mein Dal deta hai

Firdaus Gayavi

---

---