ab ke ruThe to manane nahin aaya koi
baat baDh jae to ho jati hai kam aap hi aap

Fay Seen Ejaz

---

---

achchhi-KHasi ruswai ka sabab hoti hai
dusri aurat pahli jaisi kab hoti hai

Fay Seen Ejaz

---

---

hazaron sal ki thi aag mujh mein
ragaDne tak main ek patthar raha tha

Fay Seen Ejaz

---

---

ishq kiya to apni hi nadani thi
warna duniya jaan ki dushman kab hoti hai

Fay Seen Ejaz

---

---

jo mara hai hadse mein mera us se kya tha rishta
ye saDak jo KHun mein tar hai mujhe kyun pukarti hai

Fay Seen Ejaz

---

---

kaise aata hai dabe panw gunahon ka KHayal
kitni KHamoshi se darwaza khula tha pahle

Fay Seen Ejaz

---

---

kis anmol pashemani ki daulat hai in aaankhon mein
palkon par do aansu jhamken moti ke se dane do

Fay Seen Ejaz

---

---

koi to zid mein ye aa kar kabhi kahe hum se
ye baat yun nahin aise thi yun hua hoga

Fay Seen Ejaz

---

---

main kahan aaya hun lae hain teri mahfil mein
meri wahshat mere majbur qadam aap hi aap

Fay Seen Ejaz

---

---