ab kisi aur ka tum zikr na karna mujh se
warna ek KHwab jo aankhon mein hai mar jaega

Fasih Akmal

---

---

ahut si baaten zaban se kahi nahin jatin
sawal kar ke use dekhna zaruri hai

Fasih Akmal

---

---

hamari fath ke andaz duniya se nirale hain
ki parcham ki jagah neze pe apna sar nikalta hai

Fasih Akmal

---

---

hamin pe KHatm hain jaur-o-sitam zamane ke
hamare baad use kis ki aarzu hogi

Fasih Akmal

---

---

har ek aankh mein aansu har ek lab pe fughan
ye ek shor-e-qayamat sa ku-ba-ku kya hai

Fasih Akmal

---

---

jinhen tariKH bhi likhte Daregi
wo hangame yahan hone lage hain

Fasih Akmal

---

---

kitabon se na danish ki farawani se aaya hai
saliqa zindagi ka dil ki nadani se aaya hai

Fasih Akmal

---

---

muddaa izhaar se khulta nahin hai
ye zaban-e-be-zabani aur hai

Fasih Akmal

---

---

sitaron ki tarah alfaz ki zau baDhti jati hai
ghazal mein husn us chehre ki tabani se aaya hai

Fasih Akmal

---

---