ada hua na qarz aur wajud KHatm ho gaya
main zindagi ka dete dete sud KHatm ho gaya

Faryad Aazar

---

---

aisi KHushiyan to kitabon mein milengi shayad
KHatm ab ghar ka tasawwur hai makan baqi hai

Faryad Aazar

---

---

and ho jata hai kuze mein kabhi dariya bhi
aur kabhi qatra samundar mein badal jata hai

Faryad Aazar

---

---

hum ibtida hi mein pahunche the intiha ko kabhi
ab intiha mein bhi hain ibtida se lipTe hue

Faryad Aazar

---

---

is tamashe ka sabab warna kahan baqi hai
ab bhi kuchh log hain zinda ki jahan baqi hai

Faryad Aazar

---

---

jo dur rah ke uData raha mazaq mera
qarib aaya to roya gale laga ke mujhe

Faryad Aazar

---

---

main apni ruh liye dar-ba-dar bhaTakta raha
badan se dur mukammal wajud tha mera

Faryad Aazar

---

---

main jis mein rah na saka ji-huzuriyon ke sabab
ye aadmi hai usi kaamyab mausam ka

Faryad Aazar

---

---

main us ki baaton mein gham apna bhul jata magar
wo shaKHs rone laga KHud hansa hansa ke mujhe

Faryad Aazar

---

---