aandhiyon ka KHwab adhura rah gaya
hath mein ek sukha patta rah gaya

Farooq Shafaq

---

---

aaj socha hai jagunga main raat mein
kachche phal sa mujhe toDta kaun hai

Farooq Shafaq

---

---

apni laghzish ko to ilzam na dega koi
log thak-haar ke mujrim hamein Thahraenge

Farooq Shafaq

---

---

hone wala tha ek hadsa rah gaya
kal ka sab se baDa waqia rah gaya

Farooq Shafaq

---

---

is siyah-KHane mein tujh ko jagna hai raat bhar
in sitaron ko na be-maqsad hatheli par bujha

Farooq Shafaq

---

---

samne jhil hai jhil mein aasman
aasman mein ye uDta hua kaun hai

Farooq Shafaq

---

---

shahr ka manzar hamare ghar ke pas-e-manzar mein hai
ab udhar bhi ajnabi chehre nazar aane lage

Farooq Shafaq

---

---

shahr mein jina hai chalna do-ruKHi talwar par
aadmi kis se bache kis ki taraf-dari kare

Farooq Shafaq

---

---

suna hai har ghaDi tu muskuraata rahta hai
mujhe bhi jazb zara kar ke jism-o-jaan mein mila

Farooq Shafaq

---

---