ahut qadim nahin kal ka waqia hai ye
main is zamin pe utra tha teri zat ke sath

Faizan Hashmi

---

---

as yahi soch ke rahta hun main zinda is mein
ye mohabbat hai koi mar nahin sakta is mein

Faizan Hashmi

---

---

jis pari par mar miTe the wo pari-zadi na thi
baad mein jaana ki us ke donon par hote the hum

Faizan Hashmi

---

---

KHala mein girwi rakkha apne sare KHwabon ko
aur is zamin pe chhoTa sa ghar liya main ne

Faizan Hashmi

---

---

main apni KHushiyan akele manaya karta hun
yahi wo gham hai jo tujh se chhupa hua hai mera

Faizan Hashmi

---

---

main us ko KHwab mein kuchh aise dekha karta tha
tamam raat wo sote mein muskuraati thi

Faizan Hashmi

---

---

tera bosa aisa pyala hai jis mein se
pani pine wala pyasa rah jaega

Faizan Hashmi

---

---

teri hi sair ke liye aata rahunga bar bar
tera tha sat din ka shauq meri hai umr bhar ki sai

Faizan Hashmi

---

---

wo kya KHushi thi jo dil mein bahaal rahti thi
magar wajh nahin banti thi muskurane ki

Faizan Hashmi

---

---