ahl-e-duniya se mujhe to koi andesha na tha
nam tera kis liye mere labon par jam gaya

Ehteram Islam

---

---

is bar bhi shoalon ne macha Dali tabahi
is bar bhi shoalon ko hawa di gai shayad

Ehteram Islam

---

---

laDkhaDa kar gir paDi unchi imarat dafatan
dafatan tamir ki kursi pe khanDar jam gaya

Ehteram Islam

---

---

sath rakhiye kaam aaega bahut nam-e-KHuda
KHauf gar jaga to phir kis ko sada di jaegi

Ehteram Islam

---

---

sher ke rup mein dete rahna
'ehtiram' apni KHabar aage bhi

Ehteram Islam

---

---

tauqir andheron ki baDha di gai shayad
ek shama jo raushan thi bujha di gai shayad

Ehteram Islam

---

---

usi se mujh ko mila ishtiyaq manzil ka
mere safar ko faza-e-safar usi se mili

Ehteram Islam

---

---

yaad tha 'suqraat' ka qissa sabhi ko 'ehtiram'
sochiye aise mein baDh kar sach ko sach kahta to kaun

Ehteram Islam

---

---